• Улицы городаУлицы города
  • Памятник Н.П.ЧалогоПамятник Н.П.Чалого
  • Улицы городаУлицы города
  • Агрогородок ЛясковичиАгрогородок Лясковичи
  • Площадь городаПлощадь города
  • РайисполкомРайисполком
Главная -  Новости -  Новости района

У мінулую суботу на Петрыкаўшчыне прайшла акцыя “Чысты лес”

24.10.2018

20 кастрычніка па ініцыятыве лясгасу адбылася акцыя “Чысты лес” – падраздзяленні лясной гаспадаркі, школьнікі, а таксама калектывы арганізацый і ўстаноў прыбіралі лес і прылеглыя да яго ўчасткі ад смецця.

На запрашэнне арганізатараў на Петрыкаўшчыне адгукнуўся таксама раённы Савет дэпутатаў. Старшыня райсавета Сяргей Макарэвіч з дэпутатамі былі заняты на ўборцы ад смецця тэрыторыі зоны адпачынку “Гарыцы” бліз Петрыкава. Да іх працоўнага дэсанту далучыўся раённы аддзел Следчага камітэта на чале з начальнікам аддзела Сяргеем Насенем.

Як расказаў дырэктар лясгасу Юрый Апановіч, актыўнымі ўдзельнікамі акцыі “Чысты лес” традыцыйна з’яўляюцца школьнікі. На гэты раз вучні гарадскіх школ і гімназіі добраўпарадкоўвалі тэрыторыю ўздоўж дарогі ў напрамку парома і лясны сектар бліз другога пляжу.

Калектыў жа лясгасу прыбраў ад смецця зоны адпачынку па дарозе з горада на Муляраўку.

У. ЕСІПАЎ.