• Агрогородок ЛясковичиАгрогородок Лясковичи
  • Площадь городаПлощадь города
  • РайисполкомРайисполком
  • Улицы городаУлицы города
  • Памятник Н.П.ЧалогоПамятник Н.П.Чалого
  • Улицы городаУлицы города
Главная -  Новости -  Новости района

Моцы духу вам, ветэраны!

12.05.2017

Традыцыйна ў Дзень Перамогі перад пачаткам святочных мерапрыемстваў кіраўнікі мясцовай улады наведваюць з віншаваннямі і падарункамі ветэранаў і ўдзельнікаў Вялікай Айчыннай вайны.

Сёлета старшыня райвыканкама Аляксандр Наўныка разам з ваенкамам Аляксандрам Адамоўскім і кіраўніком ветэранскай арганізацыі раёна Міхаілам Соймам з падарункамі і кветкамі завіталі да ветэранаў вайны Уладзіміра Будовіча і Апанаса і Ганны Занкевічаў.
Уладзімір Васільевіч штогод удзельнічаў у раённых урачыстасцях з нагоды Дня Перамогі, а вось сёлета, на жаль, пашкодзіў нагу, таму шчыра папрасіў прабачэння за тое, што не ў страі, пажартаваўшы, што, маўляў, ногі не ходзяць, а запчастак на іх няма. Са старшынёй райвыканкама ветэран сардэчна пагутарыў пра развіццё раёна, пацікавіўся навінамі з будаўніцтва горнаабагачальнага камбіната.

У сям’і Занкевічаў шаноўныя госці таксама затрымаліся. Ганна Мартынаўна ўсіх, абняўшы, шчыра пацалавала, а Апанас Ігнатавіч, былы марак, удзельнік вызвалення Ленінграда, расказаў пра свой баявы шлях і гісторыю пра збіты ім варожы самалёт.
Старшыня раённага Савета дэпутатаў Галіна Шчэрбак і яе намеснік, начальнік фінансавага аддзела райвыканкама Аляксандрай Янчанкава са святочнай місіяй наведаліся ў тры гарадскія кватэры. Кожнаму з ветэранаў ужо даўно пераваліла за дзявяты дзясятак.
На жаль, сустрэць гасцей у дзвярах не змагла Вера Абузава, бо даўно ўжо прыкавана да ложка і без дапамогі іншых не можа абыходзіцца. Але зразумела, з якой нагоды да яе зайшлі, вочы заблішчэлі слязьмі.

Аляксандр Сляпых ужо сем месяцаў не выходзіць з кватэры – чацвёрты паверх. Аднак сустрэў гасцей у святочным касцюме з медалямі. З гумарам пашкадаваў, што прыйшлі толькі жанчыны, няма з кім перакуліць “сто грамаў баявых”.
Шкада, што Мікалай Будовіч не пачуў усіх слоў віншаванняў, бо слых падводзіць. Тым не менш сам віншаванняў гасцям не шкадаваў.

“Петрыкаўскія навіны”